Ulteriur Grischun - Temp da grazia per ils parcaders sin l'Obere Au
L'obligatori da pajar taxas per parcar l'auto sin la Obere Au a Cuira vegn spustà sin la fin d'avust. Sco quai che la polizia da la citad communitgescha saja la raschun lavurs en connex cun il provediment d'energia sin l'areal.
Oriundamain eri previs d'introducir las taxas da parcar avant las vacanzas da stad. Durant las lavurs da planisaziun ed en vista ad occurrenzas pli grondas saja vegnì constatà ch'il provediment d'energia sin l'areal saja stgars. Quel vegnia perquai meglierà ensemen cun la construcziun dal sistem da barrieras.
