Siglir tar il cuntegn

Header

cuntegn

Territori da skis Lai Bell'aura, bunas pistas ed après-ski

L'aura durant ils firads è stada en favur dals territoris da skis dal Grischun. Era a Lai hai lura dà pussaivladad da guidar il sulegl durant ir cun skis. Quell’occasiun han turists sco era indigens nizzegià.

Tschiel blau e sulegl tut a dubel. Uschia è l’aura sa preschentada durant ils firads en las muntognas. A Lai han perquai blers prendì la chaschun d'ir cun skis. Tenor Peter Engler, il manader da las pendicularas a Lai, haja dà durant ils firads fin 28’000 persunas ch’han chattà mintga di la via sin las pistas.

Giudair l’atmosfera ed in bun menu

Saja i sin il Piz Cotschen, saja i a la staziun a mez «Scharmoin» – da Son Silvester èn tuttas sutgas e maisas da las differentas ustarias stadas emplenidas cun turists.

3 giuvens sin terassa.
Legenda: 3 giuvens da Turitg giaudan l'aura durant gentar. Il Schnipo è gia en il magun. RTR, Lukas Quinter.

Trais giuvens da Turitg èn stads cun la bell'aura mintga di sin pista. En l’ustaria cun il num «Scharmoin» mangian els gentar. Ils plats èn vids ed il «schnitzel» cun «pommes frites» gia en il magun. In declera ch’i dettia bunas purziuns ed ils menus sajan da buna qualitad.

Ina che prepara tiers ils menus, tranter auter era pizza, è la Gabi che vegn oriundamain da l’Africa dal Sid. Suenter ch’ella ha finì il studi da hotellaria lavura ella durant la stad sco «Allrounderin». En ils davos dis da l’onn haja ella fatg fin 400 pizzas.

Cuschiniera cun paluta.
Legenda: 400 pizzas entaifer 5 dis. Gabi dat tut en cuschina. RTR, Lukas Quinter.

Tar l’Àpres-Ski cula l’alcohol

A la gronda bar sper la staziun a mez «Scharmoin» vegn lavurus servì differentas bavrondas alcoholicas, tranter auter «Fröschli», «Cafe Luz» ni era gervosa. Dals autpledaders vegn schlagher ed i vegn ris e fatg sgnoccas. Quatter giuvens da Turitg, che portan tuts egliers da sulegl, giaudan la bell'aura.

Far apres-Ski è ina obligaziun. Dentant duess ins natiralmain baiver cun mesira.
Autur: Thomasturist da Turitg
4 giuvens cun gervosa entamaun.
Legenda: 4 turists da Turitg èn vid far apres-ski. Dals autpledaders vegn musica da schlagher. RTR, Lukas Quinter.

RTR actualitad 12:00

Dapli da Grischunavrir la Landingpage

Nach links scrollen Nach rechts scrollen