Siglir tar il cuntegn

Header

cuntegn

«Tes vitg – tia istorgia» Fatschas e chasas da Panaduz

La vischnanca da Panaduz è sin ina terrassa sin 658 m s.m. Là, nua ch'il Rain Anteriur e Posteriur s'uneschan e là, nua che la Tumleastga e la Ruinaulta fruntan in sin l'auter. Abitar abitan passa 3'000 persunas a Panaduz, da quellas discurran dentant be anc 5,4% rumantsch.

Per chattar ora la raschun, pertge ch'il vitg da Panaduz discurra be pli pauc rumantsch, èsi dad ir enavos en l'istorgia. Bain ha quai numnadamain nums da vias e cultiras rumantschas en vischnanca. Ma tuttina dian bleras persunas, ch'ellas na sappian betg discurrer rumantsch.

Nua èn ils Rumantschs e las Rumantschas?

L'istoricher da hobi Fridolin Gieriet po gidar nus cun la resposta: L'onn 1905 era vegnì in plevon tudestg. El avess gugent emprendì rumantsch, ma quai avess duvrà in mument fin ch'el avess pudì far predis rumantschs. Uschia ha el cumenzà sias messas per tudestg. Pli tard, il 1908, è lura capità l'incendi da Panaduz. In eveniment ch'ha midà tut. Dapi lura saja, sco bleras persunas dal vitg ed era Fridolin Gieriet raquintan, il rumantsch ì enavos fermamain. Ozendi discurran an 5,4% da Panaduz rumantsch. Da quai èn dentant bleras persunas ch'èn vegnidas natiers e betg indigenas.

Ord la cronica da Fridolin Gieriet:

Damai che biars auditurs savevan buca pli sufficientamein romontsch, eis el staus sfurzaus da tener siu referat per tudestg.
Autur: Fridolin Gieriet«Bonaduz im Wandel der Zeit»
Text davart rumantsch a Panaduz
Legenda: Extract «Bonaduz im Wandel der Zeit» Cronica scritta da Fridolin Gieriet, tranter auter cun «La suptga da mulscher» en dialect rumantsch da Panaduz. RTR, Seraina Derungs

RTR, actualitad 11:00

Artitgels legids il pli savens

Scrollar a sanestra Scrollar a dretga