Tests en il Grischun - Il cumbat cunter coss en spundas stippas
In dals pli gronds inimis dals purs è il coss da buccaria. Ils donns pon esser uschè gronds, ch'i na crescha nagut pli sin la prada. Soluziuns per cumbatter quest parasit deva enfin uss mo en lieus pli planivs. In prototip duess uss midar quai.
Ina maschina speziala ch'i dat enfin uss mo ina giada en l’entir Europa vegn testada intensivamain en las spundas dal Grischun. Sumegliant ad ina maschina da segar e quella abla da surmuntar quasi tut las costas che vegnan cultivadas dals purs. Cun ejecturs vi da las rodas squitta la maschina in bulieu en furma liquida en il terrain che attatga selectivamain il coss.
Cun questa nova maschina sun jau da buna speranza che nus vegnin da tegnair sut controlla la buccaria en tut ils lieus nua ch’ella sa chaschunar problems
Sch’ils tests che vegnan actualmain fatgs en il Partenz e la Tumleastga portan l’effect giavischà, spera il center da cumpetenza per perscrutaziun agricula Agroscope ed il Plantahof da pudair survegnir la lubientscha da la Confederaziun per duvrar quella metoda sco nova strategia da cumbat cunter il coss. Enfin uss è mo stais pussaivel da cumbatter il coss en la prada nua che era in tractor era bun dad ir.
1 / 7
Legenda:
Gronda speranza en il prototip
RTR / Curdin Fliri
2 / 7
Legenda:
Il bulieu biologic «Beauvaria» che attatga il coss
RTR / Curdin Fliri
3 / 7
Legenda:
Fin 700 coss pro m2 èn vegnids dumbrà si Furna en il Partenz
RTR / Curdin Fliri
4 / 7
Legenda:
Il cumbat cunter il coss è fin uss mo stà pussibel cun semnar il bulieu che crescha sin grauns d’avaina
RTR / Curdin Fliri
5 / 7
Legenda:
Il bulieu en furma liquida vegn injectà sur las rodas da la maschina.
RTR / Curdin Fliri
6 / 7
Legenda:
Il prototip or da l’Austria
RTR / Curdin Fliri
7 / 7
Legenda:
Pussaivel da tractar prada en tut las stippezzas
RTR / Curdin Fliri
