Siglir tar il cuntegn

Header

Navigaziun

La promenada da Tavau.
Legenda: Durant il WEF hai adina bler traffic en il center da Tavau. Keystone
cuntegn

Ulteriur Grischun Tgi che vul affittar sto pajar

Suenter las bloccadas dal traffic da l'onn passà, datti ina novaziun per firmas che vulan affittar localitads al WEF. La vischnanca da Tavau ha per l'emprima giada ina survista da las localitads che vegnan affittadas.

Durant il WEF s'inscuntra la prominenza dal mund a Tavau. Sper la prominenza or da la politica sa preschentan era las grondas firmas dal mund. Perquai affittan interpresas internaziunalas butias e biros da fatschentas indigenas. Uschia pon quellas sa preschentar ed organisar inscunters.

Novaziun dal sistem

Per evitar bloccadas dal traffic sto da nov vegnir pajà ina taxa da lubientscha a la vischnanca. Quella taxa munta a 1'500 francs per di ch'ins dovra per transfurmar la butia. Quants dis ch'ins dovra, sto vegnir inditgà a la vischnanca cun la dumonda da lubientscha. La taxa va cumplettamain a la vischnanca e vegn duvrada per la regulaziun dal traffic durant quels dis. Uschia ha la vischnanca da Tavau ina survista sur da tut las localitads che vegnan transfurmadas. Per quest onn han sur 140 interpresas dumandà per ina lubientscha tar la vischnanca. L'onn passà aveva la vischnanca survegnì be tranter 30 e 40 dumondas da lubientscha.

RR actualitad 07:00