Ulteriur Grischun - Tom Leibundgut vul restar cusseglier da la citad da Cuira - Novitads

Ulteriur Grischun Tom Leibundgut vul restar cusseglier da la citad da Cuira

Suenter bun trais onns en il departament da bajegiar è l’anteriur gastronom sa vivì en e vuless gugent restar in ulteriura legislatura. I dettia anc bler da far, cunzunt en il nov quartier Cuira vest ed er en il center da la citad.

audio

Bunura: Elecziuns Cuira - Tom Leibundgut vul restar suprastant

ord Actualitad dals 05.04.2016.

laschar ir. Durada: 2 minutas 12 Secundas.

Igl è stà ina surpraisa avant quatter onns cura ch’il gastronom enconuschent a Cuira Tom Leibundgut ha candidà per il Cussegl da la citad. In’ulteriura surpraisa era quai cura ch’el è lura è propi vegnì elegì, er per el. El ha lura stuì far il sigl en l’aua fraida e surpigliar il departament da bajegiar.

Surstà con bler ch’ins po cuntanscher

I saja stà ina sfida, di Leibundgut e tuttina guarda el enavos cun plaschair sin ils davos trais onns. El n'avessia betg pensà ch’el possia cuntanscher uschè bler en uschè curt temp. Cunzunt sin la via da la staziun saja el losch e che quella vegn bain baud a fin.

I dat anc bler da far

Uss ch’el saja sa lavurà en vuless el gugent anc restar ina ulteriura legislatura. I saja anc ina massa da far. Saja quai en la citad veglia nua ch’i dettia adina lavur u er en il nov quartier da Cuira Vest. Lungurus n’haja el er ils proxims quatter onns betg, sch’el vegniss lura reelegi.

Candidats Cussegl da la citad da Cuira