Ulteriur Grischun - Trimmis fa gudogn da passa 300'000 fr.
La radunanza communala da Trimmis ha approvà il quint annual 2015 unanimamain. Quel serra cun in surpli da 301'851 francs tar expensas totalas da 20,3 milliuns francs. L'onn passà ha Trimmis fatg investiziuns nettas da 1,4 milliuns francs.
Plinavant ha la suprastanza infurmà davart il project d’ina via da velos tranter Trimmis e Cuira. En cooperaziun cun la citad da Cuira e l’uffizi da construcziun bassa vegnia la realisaziun dal project promovida. Proximamain duaja succeder l’exposiziun dal plan.
