Siglir tar il cuntegn

Header

video
La firma Trumpf rinforza filiala a Grüsch
Or da Telesguard dals 02.11.2017.
laschar ir. Durada: 2 minutas 14 Secundas.
cuntegn

Ulteriur Grischun Trumpf crescha – cunzunt a Grüsch

Il producent da maschinas d'utensils augmenta sias capacitads.

La firma sa sviluppeschia puspè positiv en Svizra. Trumpf ha augmentà la svieuta per 2,8% sin totalmain 680 milliuns francs l'onn da gestiun 2016/17. Quel serra mintgamai ils 30 da zercladur.

Nus avain in excellent team da svilup e producziun a Grüsch. Là producin nus products impurtants per Trumpf.
Autur: Mathias Kammüller Chief Digital Officer

Il dumber d'emploiads è sa reducì per 14% sin 659. Quai cunzunt pervi che plazzas sajan vegnidas stritgadas a Baar en il chantun Zug. Percunter occupeschia Trumpf uss dapli emploiads en il Grischun, numnadamain a Grüsch. Quai ha communitgà la firma ad ina conferenza da pressa a Grüsch.

audio
Saira: Trumpf Grüsch: Plans per il futur
ord Actualitad dals 02.11.2017.
laschar ir. Durada: 1 minuta 34 Secundas.

A Grüsch sa chatta il center da cumpetenza per maschinas da laser 2D. Ultra da quai sviluppescha e producescha Trumpf ses lasers da marcar, ils sistems da marcar sco er ils utensils electrics. Trumpf planisescha dad engrondir quest center da cumpetenza a Grüsch ils proxims onns.

Las prognosas per ils proxims onns èn tenor Trumpf positivas. Ils lieus da producziun en Svizra – cunzunt er Grüsch – sajan prontas per las sfidas dal futur.

RR novitads 16:00

Artitgels legids il pli savens