Plinavant ha Trumpf communitgà che l’entira gruppa haja fatg l'onn da fatschenta 2015/16 ina svieuta totala da bun 3 milliardas francs. Quai èn bain 3,4% dapli che l'onn da fatschenta precedent. Il resultat da concern è dentant sa reducì per passa 15% e munta a bun 325 milliuns francs.
Il resultat da Trumpf en Svizra
La svieuta che las duas filialas svizras a Grüsch ed a Baar han fatg, è sa sbassada per 8,6%, sin anc 618 milliuns francs. Raschuns sajan las capacitads da maschinas nizzegiadas damain e las pajas autas en Svizra cumpareglià cun l’exteriur, scriva Trumpf. In ulteriur effect extern saja vinavant il ferm franc svizzer.
RR novitads 14:00