Legenda:
La vischnanca da Tschappina.
RTR, S. Derungs
cuntegn
Ulteriur Grischun - Tschappina fa l'auter onn naginas grondas investiziuns
Tar expensas da radund 900'000 francs fa la vischnanca quint cun ina perdita da radund 50'000 francs. Il budget per l'onn 2018 ha il suveran da la vischnanca da Tschappina approvà a la radunanza communala.
Sco la vischnanca da Tschappina ha communitgà sajan las lingias d'aua – ch'èn vegnidas sanadas ils ultims trais onns – ina gronda chargia per la vischnanca. Perquai na sajan planisadas naginas investiziuns pli grondas per l'onn che vegn.
Fin Nadal duai ina garascha per l'auto da posta esser finida. L'auto da posta duai charrar durant ina fasa da test da trais onns da Ober-Tschappina al Glaspass.
