En il center stettia da commerzialisar pli activ sco era da rinforzar la marca «Tschiertschen», ha declerà il president da l'uniun turistica Tschiertschen-Praden, Marco Engi. Plinavant speran els dad uschia survegnir access al martgà da la regiun da Cuira.
Er per la directura da Cuira turissem, Leonie Liesch fetschia senn da collavurar anc pli ferm. La cooperaziun funcziunia gia bain, per exempel cun l'Alpina Mountain Resort u er la firma Alpenhirt. Er geograficamain sajan las regiuns colliadas bain. Il giast che giaja a Tschiertschen giaja automaticamain dasper Cuira ora.
RR novitads 12:00