Siglir tar il cuntegn

Header

La plazza dal vitg actuala a Tumein cun parcadis.
Legenda: La plazza dal vitg actuala a Tumein. RTR/Selina Chistell
cuntegn

Ulteriur Grischun Tumein decida da far ina nova plazza dal vitg

A Tumein hai dà fitg stretgas decisiuns en connex cun il project d'ina garascha sutterrana e la nova plazza dal vitg. La vischnanca da Tumein prevesa da cumprar ina part da la garascha.

L'emprim ha la radunanza communala ditg cun 115 cunter 110 vuschs na ad ina proposta da renviada. Questa proposta vuleva ch'i vegnia sco emprim evaluà cun contracts liants sch'in tal project saja insumma necessaris. Sin maisa è in project cun ina chasa da pliras famiglias, abitaziuns per vegls, in'ustaria ed ina garascha sutterana cun rodund 60 parcadis.

Silsuenter ha il suveran incumbensà la suprastanza da cuntinuar cun il project, quai cun 113 cunter 109 vuschs.
Per ina proxima radunanza communala prepara la suprastanza da Tumein uss ina dumonda da credit per il project d'ina garascha sutterrana.

RR novitads 06:00

cdm/li