Siglir tar il cuntegn

Header

La plazza dal vitg da Tumein actuala.
Legenda: La plazza dal vitg da Tumein actuala. RTR, Selina Chistell
cuntegn

Ulteriur Grischun Tumein decida davart ina nova plazza dal vitg

Empe dals parcadis amez il vitg duai dar ina chasa da pliras famiglias, in'ustaria ed ina garascha sutterana.

Na, ella n'è betg propi in lieu da sentupada - la plazza dal vitg da Tumein. Quai duai sa midar. Sin maisa è in project cun ina chasa da pliras famiglias, in'ustaria ed ina garascha sutterana cun 50 parcadis. Il project procura dentant per dispita en il vitg.

Reveder lescha da bajegiar

La mesemna saira voteschan ils abitants da Tumein davart ina revisiun parziala da la lescha da bajegiar. Sche questa midada vegn approvada po il project che custa circa tschintg milliuns francs vegnir realisà. Il project duai vegnir finanzià d'ina vart da la vischnanca e da l'autra vart d'in investider da Cuira.

Opposiziun cunter il project

Plirs adversaris da l'idea èn sa mess ensemen per cuntrafar al project.Tenor els è il bajetg, e surtut la garascha, surdimensiunà. In auter punct da critica è che l'investider da Cuira possia profitar sin donn e cust dal pajataglia. Actualmain na saja numnadamain anc betg cler quantas abitaziuns e quants parcadis che quel survegness. Il president da Tumein, Oswald Sulser, dementescha questa critica e di che l'investider n'haja nagins avantatgs envers ils abitants.

Gia dapi decennis è avant maun l'idea da far insatge ord la plazza dal vitg. Divers projects èn dentant gia ids da l'aua giu.

RR Actualitad saira

Artitgels legids il pli savens

Scrollar a sanestra Scrollar a dretga