La radunanza communala da la Tumleastga ha approvà cleramain il quint 2019 che serra cun in gudogn da 66'358 francs tar entradas totalas da 11'773'900 francs. Budgetà era in defizit da bun 70'000 francs.
Vitiers ha la vischnanca fatg l'onn passà investiziuns nettas da 738'000 francs ed amortisaziuns ordinarias da 443'000 francs.
Sco quai che la suprastanza communala ha scrit en ses messadi haja la vischnanca anc adina in grad d'atgna finanziaziun problematic cun 38%. Sche quai grad resta pli ditg sut 100% dettia in'indebitament nov.