Siglir tar il cuntegn

Header

Dus snowboardist sin ina pista ad Arosa.
Legenda: Emprima naiv en il territori da skis d'Arosa. - in maletg dal 2011. mad
cuntegn

Ulteriur Grischun Turists per tut pretsch

Arosa e Lai lessan carmalar turists da la Bassa si en lur territori, e quai il november. Uschia porschan els cun il «Novemberhoch» la pussaivladad dad ir cun skis e far passlung, igl è dentant era pussaivel dad ir cun bike, viandar e dar golf.

Gia l’onn passà han Arosa e Lai purschì il «Novemberhoch». Ina purschida che ha carmalà intgins turists da la Bassa si en ils culms. Nov è quest onn ch’ins na po betg mo far passlung sin la loipa da bun dus kilometers a Lai, mabain era ad Arosa.

Extraordinari

Era autras destinaziuns che hajan lur territori da skis sin in glatscher avrian gia il november, di Jannine Kamm d’Arosa turissem. Dentant la purschida vasta da skis, passlung, viandar e schizunt golf porschian mo els. Quantas pistas ch’els pon la finala propi avrir, gliez sa mussa pir fin october.

Fin ussa betg bleras cudeschaziuns

Malgrà las bunas experientschas da l’onn passà, fin uss n’hai anc betg dà bleras cudeschaziuns per il «Novemberhoch». Quai saja dentant normal, di Kamm, la glieud spetgia l’emprim tge aura ch’il november porschia. Pir lura sa decidian ils giasts per vegnir u betg. Perquai èsi impurtant ch’il sulegl sclereschia il november, uschiglio na gidan las purschidas multifaras nagut.

RR actualitad 17:00

Dapli da Grischunavrir la Landingpage

Nach links scrollen Nach rechts scrollen