Sonda suentermezdi hai dà a Tusaun in accident da traffic sin la Via Taliana. Igl haja dà in grond donn da material, scriva la Polizia chantunala. Ina persuna è sa blessada lev.
In um da 48 onns ha vulì bandunar in parcadi e traversar la Via Taliana per ir en il proxim parcadi. Cun ir en la via ha l'um dentant survesì in auto, che vegniva da sanester. Uschia hai dà ina collisiun fruntala da la vart. Il segund auto è lura vegnì stuschà amez la via ed è là collidà cun in terz auto che spetgava per ir a sanester.