Siglir tar il cuntegn
cuntegn

Ulteriur Grischun Tusaun: Incendi en chasa da pliras famiglias

14 persunas han stuì vegnir tractadas dal medi pervi da suspect d'ina tissientada da fim.

chasa cun fim ord ina fanestra e pumpiers.
Legenda: Incendi en chasa da pliras famiglias a Tusaun. MAD, Polizia chantunala

La sonda saira hai dà in incendi en ina chasa da pliras famiglias a Tusaun, scriva la Polizia chantunala. Il fieu era ruts ora en ina chombra en l’emprima auzada. pervi dal bler fim en las stgalas han ils abitants stuì vegnir liberads sur ils balcuns. 14 abitants da la chasa hajan stuì ir tar il medi pervi dal suspect d’ina tissientada da fim. Ils pumpiers da Tusaun èn stads en acziun cun 55 persunas, Il motiv da l'incendi vegn uss scleri da la polizia. Davart ils donns da material na pon ins anc betg far indicaziuns.

RR novitads 12:00