Ulteriur Grischun - Uffant cun scooter sut in auto
En il vitg da Razén è in uffant da 5 onns vegnì cun ses scooter sut in auto. L’auto ha sinaquai stuì vegnir auzà per pudair liberar l’uffant cun blessuras, communitgescha la polizia chantunala.
L’uffant vegniva cun ses scooter ord ina entrada d’ina chasa ed è charrà sin via. La dunna da 18 onns ch’è vid emprender d’ir cun auto ha franà immediat, ma tuttina è l’uffant vegnì tratg cun l’auto anc radund 5 meters, rapporta la polizia.
L’uffant è vegni sgulà cun blessuras levas en l’ospital chantunal a Cuira. La dunna giuvna è vegnida tgirada dal Care Team Grischun.
