Siglir tar il cuntegn

Ulteriur Grischun Ulteriur gea per center da sport da naiv

Curvalda di per la segunda giada gea ad in center da sport da naiv a Parpan. La radunanza communala ha approvà la midada dal plan da zonas a Parpan ed uschia stgaffì las premissas per in indriz d'infrastructura turistic.

L'umbriva d'in passlunghist.
Legenda: maletg simbolic: Curvalda di per la segunda giada gea al center a Parpan. Keystone

Gia il 2011 aveva la vischnanca ditg gea ad il center ed aveva deliberà la revisiun parziala da la planisaziun locala per mauns da la regenza. Quella aveva dentant refusà la revisiun parziala ed ha intimà la vischnanca dad evaluar in lieu alternativ per quest center da sport da naiv.

Renatiralisar l’ARA Parzut

Plinavant ha il suveran da Curvalda concedì in credit da 1,65 milliuns francs per renovar e renatiralisar l'ARA Parzut. Davent la stad 2015 vegn l'aua da Curvalda schubregiada en la serenera da Cuira. La radunanza ha era concedì in mezmilliun francs per sanar il reservuar Grida.

RR novitads 9:00