Siglir tar il cuntegn
cuntegn

Ulteriur Grischun Unfrenda da l'incendi a Cuira mora en l'ospital

Purtret da la chasa che ha brischà ed ils pumpiers vid stizzar.
Legenda: L'um blessà è mort en l'ospital. MAD, Polizia chantunala

L'um ch'era vegnì blessà grevamain durant in incendi en ina chasa da pliras abitaziuns a Cuira è mort en l'ospital, communitgescha la Polizia chantunala. L'um era vegnì chattà senza schientscha e grev blessà la gievgia passada.

Vischins avevan vis che ferm fim vegniva ord ina fanestra da la chasa. Ils pumpiers hajan pudì salvar dus abitants. En in studio hajan els chattà l'um senza schientscha.

La raschun per l'incendi n'è anc adina betg clera. Procura publica e Polizia chantunala investigheschan.

RR novitads 11:00