La scola da la citad da Cuira ha ina nova directura. Ursina Patt da Tumein surpiglia la direcziun cun l'entschatta d'avust. Patt è dapi il 2008 manadra da las scolas da Panaduz e Razen ed ha in master en managment da scola, communitgescha la chanzlia da la citad. Plinavant ha Patt scolaziuns supplementaras en supervisiun, svilup da team e coaching. Avant il 2008 è ella stada inspectura chantunala da scola.
Patt succeda a Jann Gruber ch'aveva demissiunà surprendentamain il december. La nova direcziun vegn plinavant rinforzada cun Fabio Cantoni sco schef da stab.
La tschertga per il successur dal vicedirectur, Reto Thöny, cuntinueschia anc. Planisà saja che la successiun sco er la schliaziun transitorica enfin la fin da l'onn da scola vegnian communitgadas enfin ils 24 da favrer 2018.
RR novitads 10:00