Uvestg Huonder sa dosta

L'uvestg da Cuira, Vitus Huonder, sa dosta cunter las renfatschas en connex cun il cas dal spiritual da Bürglen UR, Wendelin Bucheli. El n'haja betg reagi memia svelt u memia dir cur ch'el ha pretendi la demissiun dal spiritual ch'aveva benedì in per omosexual.

Uvestg Vitus Huonder, purtret Bild in Lightbox öffnen.

Legenda da maletgs: L'uvestg Vitus Huonder sa dosta cunter las renfatschas. Keystone

Huonder ha preschentà ina glista detagliada dals eveniments. Plinavant na vegnia l'uvestgieu però betg a far decleraziuns uffizialas. Sco gia communitgà, vegnia uss l'uvestg da Losanna Charles Morerod a discutar cul prer Bucheli.

il spiritual en ornat da messa Avrir maletg en lightbox.

Legenda da maletgs: Wendelin Bucheli, il spiritual da Bürglen. Keystone

En la chaussa Bucheli/Bürglen saja vegnì suggerà che l'uvestg da Cuira haja agì memia spert e memia dir, quai scriva Giuseppe Gracia, l'incumbensà per las medias, en ina communicaziun.

RR novitads 20:00