Siglir tar il cuntegn

Header

Martin Kopp
Legenda: Il vicari general da la Svizra centrala, Martin Kopp ch'è relaschà per immediat da tut ses uffizis. SRF / RTR
cuntegn

Uvestgieu tira consequenzas Vicari general da la Svizra Centrala Martin Kopp vegn relaschà

Martin Kopp aveva prendì posiziun en las medias davart la successiun da l'uvestg da Cuira. Quai malgrà che l'administratur apostolic Peter Bürcher aveva appellà davent dal cumenzament da betg s'exprimer en chaussa.

Plinavant ha l'uvestgieu admonì l'uvetg auxiliar Marian Eleganti. Quel aveva prendì posiziun pliras giadas en connex cun la pandemia da corona. Eleganti na dastgia a partir dad immediat betg pli s'exprimer en las medias senza consultar l'adiminstratur apostolic Perter Bürcher ed il post da communicaziun.

Cun in video sin Youtube aveva Marian Eleganti procurà per agitaziuns. Tranter auter aveva el punctuà la colliaziun tranter Dieu e la crisa dal coronavirus e crititgà ch'i vegnia svidà l'aua benedida. Quai saja ina capitulaziun da la cardientscha.

Ord l'archiv

Gia l'entschatta matg 2019 era il vicari general Martin Kopp s'exprimi envers RTR davart la successiun d'uvestg Vitus Huonder:

Video
Cudesch da l'uvestgieu guarda en passà – futur anc adina intschert
Or da Telesguard dals 08.05.2019.
laschar ir

RTR, novitads 14:00