Siglir tar il cuntegn

Ulteriur Grischun Vadè stgarpà sin l'alp da Tamins

Sch'in luf ha stgarpà il vadè ubain ina auter animal da rapina grond, n'è anc betg cler.

in luf.
Legenda: Maletg simbolic: Anc n'èsi betg cler sch'in luf ha stgarpà in vadè sin l'alp da Tamins. Keystone

Sin l'alp da Tamins saja crappà in vadè tranter ils 31 da fanadur ed il prim d'avust. Quai ha confermà Adrian Arquint da l'Uffizi da chatscha e pestga dal Grischun envers «suedostschweiz.ch». Il cadaver haja gì fastizs da stgarps. I na saja però anc betg cler, schebain quels stgarps sajan vegnids fatgs d'in luf. Cun gronda probabilitad sajan ils stgarps però d'in animal da rapina grond. Il cas vegn anc sclerì pli detaglià.

Per evitar tals schabetgs en futur, vegnia cuntinuà sin l'alp da Tamins cun il monitoring existent, ha declerà Arquint vinavant. Ultra da quai vegnian ils possessurs d'animals da niz infurmads sco er il Plantahof che sa fatschenta cun mesiras per la protecziun da muntaneras.