Siglir tar il cuntegn

Ulteriur Grischun Varianta «B» cumpara - fatschada dal museum d'art en 3 linguas

Las protestas da la Lia Rumantscha paran d'avair gì effect: Sin las fatschadas dal Museum d'art a Cuira duai quai dar inscripziuns en tuttas trais linguas chantunalas. Quai ha communitgà il cusseglier guvernativ Mario Cavigelli. La Lia Rumantscha è satisfatga da las novas.

Legende: Video I va pia tuttina abspielen. Laufzeit 00:42 Minuten.
Or da Telesguard dals 15.06.2016.

Ils scleriments actuals (stadi dals 15 da zercladur 2016) giajan tenor Cavigelli en direcziun da plazzar la scrittira sin ulteriuras fatschadas exteriuras.

Quai muntass per exempel da plazzar in’inscripziun rumantscha u taliana giudim dretg, sco il logo tudestg direcziun Grabenstrasse. Uschia fissan tuttas trais linguas chantunalas represchentadas sin las fatschadas dal Museum d’art a Cuira.

Tenor Andreas Gabrial è la Lia Rumantscha satisfatga da questa decisiun.

Lia protesta, chantun ceda

Avant era vegnì numnà il motiv per in'inscripziun be per tudestg. Lura aveva Cavigelli communitgà ch'ì sa tractia dal logo dal museum d' art. «L'inscripziun principala che descriva il bajetg sco edifizi chantunal sa chatta vid la porta principala dal museum. L'inscripziun è translatada en tschintg linguas.»

La Lia Rumantscha aveva sinaquai annunzià d'intervegnir en chaussa.

RR novitads 14:00