Vaz po en futur era arver butias da dumengias e firads

Cun 245 encunter 231 vuschs è la revisiun totala vegnida approvada dal suveran a Vaz.

Purtret da Lai che tutga tar la vischnanca da Vaz. Bild in Lightbox öffnen.

Legenda da maletgs: Vaz ha decidì da schluccar las lescha per dis da paus. Quai duai promover las butias. RTR, Federico Belotti

Cun la revisiun totala da la lescha da dis da paus vul Vaz pussibilitar a las butias en la vischnanca da restar avertas durant dumengias e firads. La suprastanza da Vaz propona cun 11:3 vuschs d'approvar la nova lescha. Quatter puncts impurtants vegnan qua midads.

  • La lescha vegn adattada a la lescha chantunala
  • Ascensiun vegn abolì sco firà e di da paus local
  • Abolì vegn era la restricziun da dis d'avertura durant firads uffizials, inclusiva firads auts (sco per exempel Nadal). Durant Numnasontga, ch'è in firà impurtant per la populaziun restan las butias serradas.
  • Il rom per chastis en cas ch'i vegn cuntrafatg a la nova lescha vegn adattà

Plinavant ha la vischnanca elegì Fabienne Hossmann sco nova commembra dal cussegl da scola.

RR novitads