Uss è enconuschenta la raschun per l'accident dad in vagun da rauba da la Viafier retica dals 25 da zercladur a Vaz Sut. Il vagun saja i sur ils binaris ora pervi ch'el n'era betg chargià correctamain scriva l'agentura da novitads SDA.
Il vagun era vegnì chargià cun il pais be dad ina vart, e perquai saja il vagun svià ils 25 da zercladur en ina curva. Quai resulta tenor la SDA dal report dal servetsch svizzer d’inquisiziun da segirezza. Oriundamain era planisà da chargiar omaduas varts, ma la rauba empustada na saja betg stada al lieu ed il vagun saja vegnì pendì vi dad in tren da persunas.
Persunas n’eran vegnidas blessadas naginas. Il traject da viafier era dentant vegnì donnegià sin ina lunghezza da 150 meters.
