Siglir tar il cuntegn

Header

cuntegn

Vaz Sut Prolungà contract cun Catram ed ovra da glera

La vischnanca Vaz Sut approvescha la renovaziun dal contract da dretg da construcziun cun la Catram SA ed il Kieswerk Untervaz SA. La radunanza communala ha ditg gea a la prolungaziun dal contract fin l'onn 2081 cun 93 cunter 24 vuschs.

Quai saja in impurtant pass per dus gronds pajataglias, aveva la vischnanca scrit en il messadi. Plinavant han ils da Vaz Sut tratg ina decisiun da principi- per remplazzar la scolina actuala cun in nov bajetg. Il suveran sustegna quel'idea.

Approvà preventiv

Il preventiv 2020 da Vaz Sut quinta cun entradas da 16,1 milliuns francs ed expensas da 15,9 milliuns. Quel è vegnì approvà unanimamain. Er il quint d'investiziun han ils preschents approvà. Plinavant resta il pe da taglia sin 90% da la taglia chantunala simpla.

RTR novitads 10:00