René Vogel è il nov president communal da Vaz Sut. La radunanza da vischnanca ha elegì Vogel sco successur da Hans Krättli che ha demissiunà pervi da la limitaziun d'uffizi, scriva la Südostschweiz sin sia pagina d'internet. Renè Vogel è stà il sulet candidat. El cumenza ses uffizi il 1. da schaner 2021 en ina plazza da 80%.
Sper il president ha la radunanza communala da Vaz Sut er elegì quatter novs commembers per la suprastanza, sco era ils trais commembers da la cumissiun da gestiun.