Avant che pudair baiver il vin dal Signuradi 2019 stat anc ina gronda lavur avant porta – la vendemia. Ma quella lascha spetgar quest onn in zic pli ditg. Pervia da l'umiditad n'han blers purs da vin anc betg cumenzà cun la racolta. Uschia er betg a Zezras sin il bain da Philipp Grendelmaier nua che il viticultur da Tujetsch Renzo Hendry lavura.
Gugent avessan els cumenzà uss cun prender giu las ivas, pervia da l'umiditad n'è quai dentant betg stà pussaivel. Racoltar ivas sch'igl è bletsch portia memia bler aua en tschaler, di Renzo Hendry ch'è dapi il 2017 maister viticultur.
Bulieu fa fastidis a viticulturs
Vitiers vegnan anc dus ulteriurs problems. Per l'ina la mustga «Suzuki» ch'è fitg activa il mument e per l'autra il bulieu «Botrytis». Il bulieu hai dà perquai ch'il mais d'avust è stà plitost umid. Uss ston tut quellas ivas ch'èn marschas davent.
Il bulieu e la mustga fan quest onn mal il venter a nus viticulturs.
Ord l'archiv
Las temperaturas da la stad 2018 han gì in effect positiv per la viticultura. Hanspeter Cadonau, l'um oriund da Vuorz, discurra d'ina racolta dal tschientaner.
RR actualitad 07:00