Siglir tar il cuntegn

Header

audio
Cuira: Ventschida da la halla da glatsch da trenament
Or da Actualitad dals 25.06.2021.
laschar ir. Durada: 03:01 minutas.
cuntegn

Ventschida halla da glatsch «Quai è in crap da miglia»

Oz ha gì lieu a Cuira la ventschida da la nova halla da glatsch da trenament a l'Obere Au. Sper il stadion Thomas Domenig vegn actualmain bajegià ina halla da trenament cun 25 gardarobas ed ina pitschna tribuna da 300 persunas. Il president da la citad, Urs Marti discurra d'in crap da miglia per il sport a Cuira.

Urs Marti: «Quai è propi in crap da miglia»
00:21 min, RTR Audio dals 25.06.2021.

La nova halla duess vegnir averta fin december da quest onn. A l'Obere Au a Cuira duess il nov center da sport da la citad sa sviluppar en il decurs dals proxims onns.

Uschia èn er planisadas pliras plazzas da ballape novas, ed era ina plazza da ballape cun tribuna. Gist il project da quest pitschen stadion da ballape sto dentant anc spetgar in mument. Quai pervia da la halla da chavaltgar ch'è actualmain enta pais. Questa halla ha in contract da dretg da bajegiar che cuzza fin il 2023. Pir lu sto la halla far plaz al nov stadion da ballape. Planisà èsi ch'il project cul plaz da ballape e tribuna vegn realisà sin il cumenzament dal 2025.

La nova halla da glatsch da trenament inclusiv las plazzas da ballape cun tribuna duain custar radund 40 milliuns francs.

video
Il masterplan da Cuira cun ils implants da sport survegn furma
Or da Telesguard dals 25.06.2021.
laschar ir

RTR novitads 17:00

Artitgels legids il pli savens

Scrollar a sanestra Scrollar a dretga