Gievgia saira curt suenter las 19:00 èn otg persunas sa blessadas tar duas collisiuns sin la via dal Partenz. Tenor la Polizia chantunala dal Grischun eran trais autos sin viadi da Grüsch en direcziun Landquart. L'emprim auto è vegnì sin l'auter vial e collidà frontal cun ina camiunetta che vegniva encunter. Lezza hai bittà en la saiv directiva e lu enavos sin l'auter vial nua che la camiunetta è collidada frontal cun il terz auto. La dunna en lez è sa blessada grevamain, ses passagier mezgrev. Il segund auto è donnegià.
Blessads en differents ospitals
Ina dunna da 75 onns è vegnida blessada grev, il cunautist mezgrev. Ils pumpiers da Landquart han stuì liberar las duas persunas. L'autist che ha chaschunà l'accident sco era ils tschintg cunautists da la camiunetta èn sa blessads be lev. Ils blessads èn vegnids transportas en ils ospitals da Cuira, Grabs e Schiers.
