28 plantas ed in terren che po arcunar l'aua per sfradentar quel duessan gidar da far pli empernaivel ils dis da chalira a Cuira. Là possia l'aua numnadamain sfundrar en il terren, uschia ch'il sulom sfradentà da sut si. En ils blers auters lieus giaja l'aua pli u main direct en la chanalisaziun, ha Tom Leibundgut declerà.
Chalira en citads
Igl è enconuschent che citads han da cumbatter durant ils mais da stad savens cun grondas chaliras cunquai che tut è quasi asfaltà u betunà. Quai èn terrens che arcunan la chalira dal sulegl. Las zonas verdas mancan.
Dentant er en la nova via Steinbock na datti sper las 28 plantas betg bler verd. Per gronda part domineschan las plattas da crap. Il cusseglier da citad Tom Leibundgut declera ch'els hajan empruvà da crear zonas verdas, quai na saja dentant betg stà pussaivel. «Nus avain stuì garantir che ils camiuns vegnan da furnir lur rauba a las stizuns u ustarias en la via». Perquai n'èsi betg stà pussaivel da far zonas verdas.