A Claustra po la staziun da viafier vegnir renovada. Cun ina clera maioritad (792 gea e 110 na) han las votantas ed ils votants ditg Gea al credit da 4 milliuns francs. Prendì part a la radunanza han 3'052 persunas, quai munta ina participaziun da bunamain 30%.
Il project da 30 milliuns francs è necessari per che la Viafier retica possia ademplir la lescha per persunas cun impediments. Dasper la construcziun d'in sutpassadi ston era ils perruns vegnir prolungads. Quai per ch'ils novs trens da «Capricorn» che vegnan en funcziun l'auter onn hajan plaz.
Il suveran da Claustra-Serneus ha plinavant approvà la lescha da transparenza. Cun quella ha mintgin il dretg da prender invista a documents da la vischnanca.
Ord l'archiv
Cun la staziun da Razén da la Viafier retica èn ussa 37 da 103 staziun vegnidas adattadas per persunas cun impediment.
RR novitads 11:00
