Siglir tar il cuntegn
cuntegn

Ulteriur Grischun Vincenzo Todisco nominà per il Premi da cudesch svizzer

Vincenzo Todisco è nominà per il premi dal cudesch svizzer dal 2018 per ses roman «Das Eidechsenkind», quai ha la giuria communitgà. Sper Todisco èn nominads ulteriurs

tavla cun inscripziun: Schweizer Buchpreis
Legenda: Il premi vegn surdà il november a Basilea. Keystone

Todisco è figl d'immigrants talians. El è naschì il 1964 en Svizra a Stans. Intgins onns da sia uffanza ha el passentà en l'Engiadin'ota. Oz è el docent a la Scol'auta da pedagogia dal Grischun a Cuira ed abitescha a Razén. Il 2005 ha el survegnì il Premi da litteratura dal Grischun.

Tschintg nominads

Sper Todisco èn nominads Heinz Helle («Die Überwindung der Schwerkraft»), Peter Stamm («Die sanfte Gleichgültigkeit der Welt»), Julia von Lucadou («Die Hochhausspringerin») ed er Gianna Molinari cun ses emprim cudesch «Hier ist noch alles möglich».

Darar saja l'elecziun stada uschè greva sco quest onn ha ditg Manfred Papst, il pledader da la giuria. En tut hajan els examinà 85 ovras da las pli differentas generaziuns, spartas e chasas edituras.

Il premi vegn surdà ils 11 da november a Basilea. El è dotà cun 30'000 francs. Ils ulteriurs nominads survegnan mintgamai 3'000 francs.

RR novitads 11:00