La vischnanca da Malans impunda da 6,25 milliuns francs per embellir ses center dal vitg. A la radunanza communala ha la populaziun approvà il credit necessari, quai cun 73 cunter 21 vuschs. Sco la vischnanca scriva, haja dà ils davos decennis pliras emprovas per renovar la plazza dal vitg. En il project èsi tranter auter previs da sanar la chasa communala e sia stalla, crear ina plazza d'inscunter e la contrucziun da tualettas publicas.
Plinavant han ils da Malans approvà il preventiv 2021, quel quinta tar expensas da passa 10 milliuns francs cun in surpli da 222'000 francs. Il pe da taglia resta tar 75 pertschient da la taglia chantunala simpla.