Siglir tar il cuntegn

Header

Navigaziun

cuntegn

Ulteriur Grischun Voluntaris en acziun per salvar l'anemona a Dusch

En favur da la biodiversitad han voluntaris ensemen cun la Pro Natura fatg urden sin in prà a Dusch sur Pasqual (Paspels). Chaglias e chaglioms han en favur da spezias indigenas da flora e fauna stuì davent.

Legenda: Tadlar il audio Bunura: Dusch – Far urden per dapli biodiversitad. Durada 03:52 minutas.
03:52 min, Actualitad dals 18.03.2019.

Datiers da la chapella St. Maria Magadalena a Dusch sur Pasqual è la fin d'emna vegnì lavurà. Quai en favur da la biodiversitad. Il territori da protecziun Dusch è numnadamain in prà sitg, nua ch'ins vul evitar ch'in guaud crescha. Tut en tut ha la zona da protecziun da la Pro Natura a Dusch ina surfatscha da bunamain 5000 m2.

Uschia han 11 voluntarias e voluntaris sut la batgetta da la Pro Natura stgarpà or chaglias e chaglioms sin il prà sitg per dar spazi a spezias periclitadas, per exempel a l'anemona da muntogna. Quella flura è sin la glista da flurs periclitadas. Tut quai che vegn stgarpà or resta en la zona da protecziun. Ils voluntaris furman cun quest lain rumì mantuns – en emprima lingia per dar refugis, spazis vitals a reptils.

«Missiun B» – per dapli biodiversitad

«Missiun B» – per dapli biodiversitad

RR actualitad 07:30