Siglir tar il cuntegn

Header

cuntegn

Votaziun communala a Tavau L'ospital duess puspè vegnir saun

Ils 9 da favrer decida Tavau davart la finanziaziun da l'ospital. Tranter auter duain 1,2 milliuns gidar da mantegnair trais partiziuns che scrivan cifras cotschnas.

video
La vischnanca da Tavau duai spendrar l'ospital cun 1,2 milliuns ad onn
Or da Telesguard dals 29.01.2020.
laschar ir. Durada: 3 minutas 51 Secundas.

L'ospital da Tavau scriva dapi onns cifras cotschnas. Il pievel decida ils 9 da favrer a l'urna, sche la vischnanca duai gidar cun 1,2 milliuns francs ad onn.

L'ospital è sez pazient. El n'è betg pli sin la partiziun intensiva, dentant anc adina en in letg da spital.
Autur: Tarzisius Caviezel president cussegl d'administraziun ospital Tavau

L'ospital scriva dapi onns minus da plirs milliuns. La staziun d'urgenza, la partiziun da parturir ed il servetsch da salvament dovran tenor ils responsabels urgentamain sustegn finanzial. Be uschia na possian las purschidas betg vegnir mantegnidas en l'avegnir.

audio
Saira: Tavau decida davart finanziaziun da l'ospital
ord Actualitad dals 29.01.2020.
laschar ir. Durada: 5 minutas 11 Secundas.

Tant il directur da l'ospital, Daniel Patsch, sco era il landamma e president da l'ospital, Tarzisius Caviezel, èn da buna speranza che las votantas ed ils votants da Tavau dettian ils daners necessaris.

RTR Telesguard 17:40

Artitgels legids il pli savens