Il comité da l’iniziativa, che vul mantegnair ils kinos da la citad da Cuira, fetschia in recurs tar la Dretgira administrativa, scriva la citad da Cuira. Uschia saja la votaziun dal pievel davart questa fatschenta, che era previsa per ils 19 da matg, vegnida spustada sin ils 24 da november.
L'entschatta dal mais aveva il parlament da Cuira declerà l'iniziativa per part nunvalaivla. Uschia na valess quella betg a moda retrospectiva e na pudess betg impedir la construcziun d'in cumplex da kino a l'ur da Cuira.
RR novitads 11:00