Ina dunsaina lavurants hajan durant la damaun parti ora strom sin il champ da frajas. Enturn mezdi han els dentant vesì, ch'ina balla da strom ardava. Il vent haja lura derasà il fieu sur tut il champ via. Daco che la balla è ars, n'è betg enconuschent. La Polizia chantunala investighescha davart il motiv.
Sco la polizia chantunala ha confermà sin dumonda dad RTR saja stada da mezdi ina surfatscha da 100 sin 100 meters en flomma. Il fieu saja vegnì stizzà curt avant las 14:00. Quella surfatscha saja destruida cumplettamain.
RR novitads 14:00