A Cazas è lantschada la construcziun dal center da mastergn en la zona industriala. Gievgia han cumenzà las lavurs per il parc da mastergn Cazas cun divers bajetgs che vegnan construids directamain a la sortida da l'autostrada Giuvaulta. Tenor ina communicaziun vegn preparà en in'emprima etappa il terren d'ina surfatscha da 10'000 m². En il parc da mastergn Cazas pon interpresas prender a fit surfatschas da 150 m² fin 4'000 m². Sco ils responsabels scrivan duai la zona da mastergn esser finida l'atun.
Niz flexibel da l'areal
Sco ils responsabels scrivan, possian interpresas da differentas spartas sa chasar a Cazas. Uschia per exempel mastergnants sco constructurs da metal, garaschas e scrinaris ma er interpresas da servetsch, commerzi ubain ord la branscha d'events e temp liber.
