Siglir tar il cuntegn

Header

audio
Saira: Suenter ultimas decisiuns da la WEKO tschertga la PUK vinavant la vardad
Or da Actualitad dals 04.09.2019.
laschar ir. Durada: 02:26 minutas.
cuntegn

Ultimas decisiuns da la WEKO A la tschertga da la vardad

Avess Stefan Engler e ses departament da construcziun stuì s'accorscher insatge da la cunvegnas en la branscha da construcziun? La WEKO di gea, Stefan Engler di na. La cumissiun parlamentara d'inquisiziun PUK na commentescha betg quella dumonda.

Stefan Engler, il cusseglier guvernativ responsabel ils onns da las cunvegnas en la branscha da construcziun sa distanziescha da la decleraziun da la WEKO, ch'insatgi en il departament avess stuì s'accorscher insatge da cunvegnas en la branscha.

Cun ina distanza da 10 onns e passa èsi heical da vulair interpretar tge ch'ins avess stuì savair avant 10 onns.
Autur: Stefan Engler

Tenor Engler stoppia la PUK terminar ussa sia lavur. Uschia reagescha Engler sin ina decleraziun da Frank Stüssi, il vicedirectur da la WEKO. Stüssi però è da l'avis ch'il chantun avess pudì s'accorscher insatge dad irregularitads en connex cun lavurs surdadas. «Da las dimensiuns che quellas cunvegnas han gì, avess ins stuì vesair irregularitads», ha Stüssi ditg envers RTR.

PUK tschertga vinavant

Cun las ultimas decisiuns da la WEKO ha la PUK survegnì novs fatgs sin maisa. Fatgs ch'ella vegnia er ad includer en las investigaziuns, di Michael Pfäffli il president da la PUK. La dumonda sch'il chantun avess stuì s'accorscher insatge u betg, na commentescha Pfäffli betg. Cura e sche la PUK po purtar la vardad a la glisch, n'è betg cler.

RR actualitad 17:00