L'Uniun d'artisanadi e mastergn grischuna cuntinuescha cun ses president Viktor Scharegg. La radunanza da delegadas e delegads en il Puschlav ha elegì Scharegg per in'ulteriura perioda d'uffizi. Quai communitgescha l'uniun.
Ed en il rom da l'inscunter ha l'Uniun d'artisanadi e mastergn grischuna era surdà il premi d'innovaziun 2024, dotà cun 3'000 francs, quai a Markus Patt. L'interprendider dal Partenz da 54 onns haja mussà curaschi ed iniziativa cun surpigliar e manar duas firmas a Küblis ed a Malans.