Thomas Hobi daventa il nov president da l'uniun d'editurs grischuna Graubünden books. La radunanza generala ha elegì el sco successur d'Anita Capaul. Anita Capaul – che prenda era cumià da sia funcziun sco manadra da la Chasa Editura Rumantscha fin matg – sa retira da la suprastanza.
Thomas Hobi è schef da la chasa editura Churer Driftwood Verlag. Da 2020 fin 2022 era el gia commember da la suprestanza da Graubünden books.
Plinavant è Christian Imhof – che lavura tar il Qultur-Verlag – vegnì elegì sco nov commember da la suprastanza da l'uniun.
L'Uniun d'editurs grischuna è creschida da 11 sin 21 commembers durant il presidi d'Anita Capaul. L'uniun organisescha regularmain diversas activitads davart la litteratura grischuna. Per exempel la tura «Graubünden liest» cun auturas ed auturs grischuns che maina tras l'entir chantun.
