Viandar è popular e gist il temp da corona haja augmantà l'entusiassem da Svizzers e Svizras d'ir a pe tras la natira, ha ditg il manader da l'uniun Sendas Grischunas Stephan Kaufmann envers RTR.
Viandar è anc adina en moda.
In'incumbensa gronda da l'uniun saja da promover il viandar. I saja latiers surtut impurtant ch'ils viandants hajan la savida necessaria, cunquai che l'atgna responsabladad saja fitg auta en quest sport.
L'uniun vul attrair pli savens ils giuvens, per quai spulvrain nus ussa las soccas cotschnas e faschain or dad ellas puspè in cult.
Malgrà ina participaziun da record tar la radunanza da delegads da l'uniun, dettia en egl che la vegliadetgna media dals commembers saja enturn 65 onns, plitost però 65 plus, uschia Kaufmann plinavant. Perquai vul l'uniun Sendas Grischunas en l'avegnir attrair dapli giuvens. Bain giajan era persunas giuvnas gugent a viandar, ma quellas na sajan tuttina betg uschè gugent commember u commembra din'uniun, declera Stephan Keller. Els emprovian perquai da restar en discurs cun ils giuvens ed als far attent a l'uniun Sendas Grischunas cun purschidas spezialas.