Ad Unterrealta ha la polizia traplà in manischunz d'in autobus ch'era sin via senza permiss d'ir cun auto. La polizia ha fermà l'autobus – cun ina gruppa da 25 persunas – tar il post da controlla dal traffic da camiuns pesants. Quai ha la Polizia chantunala dal Grischun communitgà. La controlla ha mussà: Il permiss d'ir cun auto era gia vegnì retratg al manischunz tudestg da 34 onns en Germania.
La polizia ha scumandà al manischunz tudestg da manar vinavant l'autobus. In collavuratur da l'interpresa da l'autobus, ch'era era da viadi cun la gruppa, ha pudì surpigliar l'incumbensa da manischunz. La gruppa ch'era partida davent da la Germania la dumengia ha uschia dastgà cuntinuar il viadi enfin Tirano.