Siglir tar il cuntegn

Header

video
«Street Art» sin 170 meters
Or da RTR Social dals 20.06.2020.
laschar ir
cuntegn

Urban Art a Cuira Ord ina paraid grischa nascha in spectacul da colur

Pervi dal coronavirus n’ha il Street Art Festival betg gì lieu quest onn. Uschia è il president dal festival, Fabian Florin alias Bane, sa decidì da metter sin ils pais in uschenumnà «Jam». Da tut la Svizra èn artists vegnids per colurar ina paraid grischa e trista.

Atgnamain fissi sta planisà da far in festival cun workshops, DJs ed animaziun. Pervia dal coronavirus n'èsi dentant betg stà pussaivel da far quai en in grond rom. Fabian Florin alias Bane n’ha betg cumplettamain vulì annullar il festival ed ha perquai realisà quel en in rom pli pitschen.

Paraid legala grazia a la citad da Cuira

Sco Fabian Florin ha declerà a RTR ha la citad sustegnì fermamain il project. Uschia haja ella mess a disposiziun ina paraid che vegnia uschè u uschia stgarpada giu ils proxims onns. Sut circumstanzas legalas hajan ils artists pia pudì viver or lur fantasias.

Il graffiti è sa sviluppà. Oz sa numna quai Urban Art
Autur: Fabian Florin alias Baneartist ed organisatur

Fin sentiment e concentraziun

Ils maletgs che sa sviluppan durant la fin d'emna èn fatgs cun premura. In artist per exempel lavura a moda fina in purtret d’ina dunna. Entras lingias finas cun il spray da colur survegn la dunna ina parita realistica. «Bax» sa numna l'artist. El è vegnì da Berna per pudair malegiar vid la paraid.

Bax.
Legenda: Bax cun ses purtret emoziunal dad ina dunna. RTR, Lukas Quinter.

RTR actualitad 07:00

Artitgels legids il pli savens

Ir a sanester Ir a dretg