L’uvestgieu da Cuira sto probabel anc spetgar in pèr mais, enfin che la successiun da Vitus Huonder è sclerida. L’administratur apostolic da l’uvestgieu, Peter Bürcher, ha ditg envers RTR, ch’el na sappia anc betg quant ditg ch’el restia en uffizi.
Ina schliaziun ad interim
L’anteriur uvestg da Rejkiavik era vegnì elegì il matg da l’onn passà sco administratur apostolic. Quai suenter che Vitus Huonder aveva bandunà l’uvestgieu a Cuira suenter bunamain 12 onns en uffizi. Cura che Peter Bürcher è vegnì pensiunà è el turnà en Svizra ed ha vivì fin tar sia elecziun en il chantun Sviz. Ch'el è vegni dumandà da papa Francestg persunalmain da surpigliar l'uvestgieu a Cuira ad interim, è stà ina gronda surpraisa per el.
Ord l'archiv
video
Uvestg Vitus Huonder po chalar grazia a soluziun ad interim
Or da Telesguard dals 20.05.2019.
laschar ir. Durada: 47 Secundas.
RTR novitads 06:00
