La regenza ha dà glisch verda per ina chasa da parcar ed ina fermada da bus a Soglio en Val Bregaglia. Ella ha approvà la revisiun parziala da la planisaziun locala che la vischnanca da Bregaglia aveva concludì il favrer passà. Per quest project vegnian fatgas pitschnas adattaziuns en las zonas pertutgadas, scriva la regenza.
Per l'ina po ina chasa da parcar ed ina staziun da bus vegnir bajegiada en la part Clüs. Per l'autra po il parcadi en il lieu Plazzüra uss vegnir engrondì.
