La notg sin mardi han nunenconuschents siglientà in bancomat en la Val Bregaglia. I sa tracta da quel da la Banca Popolare di Sondrio a Castasegna, dus kilometers davent dal cunfin talian. Il donn material vi dal bajetg e l'infrastructura munta a plirs dieschmilli francs. La polizia suppona ch'i saja vegnì siglientà curt avant las 03:00 la notg, dapli detagls na sappian ins anc betg.
Ensemen cun la Polizia federala fedpol sco er cun l’institut forensic da Turitg ha la polizia chantunala dal Grischun cumenzà cun las investigaziuns. Sin fundament da la cumpetenza per delicts cun material explosiv surpiglia la Procura publica federala la direcziun da la procedura.